السبت، 11 أكتوبر 2014

ذكي ببساطة هاتف Nokia Lumia 630

بسم الله الرحمن الرحيم

السلام عليكم و رحمة الله وبركاته


العرض دة هيكون لهاتف Nokia Lumia 630 موبايل بشريحتين و ابداء رائع و بيكون فرصة مناسبه جدا للتواصل مع الغير، و هيكون العرض علي اصدارة Lumia Cyan اللي مبني علي تحديث WindowsPhone 8.1
تلميح: سعر الهاتف وقت عمل هذا العرض 1150 الي 1200 جنية بالضمان و متوافر في Mobile Shope ب1375 مع عرض سماعة COLOUD BOOM.





1-الشكل و الخامات

*شكل الهاتف مستطيل بإنحناءات في الزوايا و سمك الجهاز قليل و كويس جدا و بانحناءات حادة شوية، و كويس جدا في التحكم فية بيد واحدة و تقدر توصل الي كامل اجزاء الشاشة بيد واحده، الهاتف متوافر بخمس الوان (الابيض و الاسود و البرتقالي و الاصفر و الاخضر) و الالوان (البرتقالي و الاصفر و الاخضر) موجودين مطفي او لامع يعني متوافر بتشكيلة كبيرة حسب اللي يعجبك، طبعا ننصح الناس باللون المطفي لانة بيكون أكثر مقاومة للخدوش، ابعاد الجهاز هي ارتفاع 129.5 و العرض 66.7 و السمك 9.2 مم و وزن الجهاز 134 جرام يعني ابعاد الجهاز بالوزن ممتازة جدا. الهاتف من الأمام بشاشة 4.5 بوصة محميه بطبقة زجاج Gorilla Glass 3  و أعلي الشاشة شعار Nokia و سماعة المكالمات، من الجانب الايمن يوجد ازرار التحكم في الصوت و زرار القفل، اما من الجانب الايسر لا يوجد اي شئ، من الاعلي يوجد مدخل سماعات الرأس جاك 3.5مم، من الاسفل فية Micro USB، الجهاز من الخلف من البلاستك (مطفي او لامع)  و موجود كاميرا الهاتف و سماعة الجرس و شعار Nokia في الظهر.



2-محتوي العلبة و مواصفات الجهاز

* مواصفات الهاتف الفنية
- شاشة بحجم 4.5 بوصة و بدقة 854X480 من نوع IPS LCD مزودة بتقنيات Claer Black Display لرؤية و اضحة تحت الشمس مع ميزة اللمس فائق الحساسية للعمل حتي لو كنت ترتدي الجونتيات.
- كاميرا الجهاز الخلفية 5 ميجابكسل و تقدر تصور فيديو بدقة HD باضافة الي ميزة الضبط التلقائي.
- معالج الجهاز من نوع Snapdragon 400 رباعي النواة 1.2 جيجاهرتز مزود ببطاقة رسوم من نوع Adreon 305 و رامات الهاتف 512 ميجا اما السعة التخزينية الداخلية 8 جيجابيت تقدر توسعها بإضافة بطاقة ذاكرة MicroSD حتي 128 جيجابيت.
- بطارية الهاتف 1830 ملي أمبير و هتصمد معك يوم كامل مع الاستخدام القوي جدا للجهاز اما الاستخدام المتوسط هيستمر مع يومين كامليين او اكتر.
- الجهاز بيدعم شبكة 2G - 3G بالاضافة الي دعم WiFi و WiFi HotSpot دة غير توافر Bluetooth V4.0 و دعم للGPS و الراديو FM.
-  استشعار وضع الهاتف راسي او عمودي و حساس حركة
- نظام التشغيل هو WindowsPhone 8.1 و اسمه علي هواتف Nokia Lumia هو Lumia Cyan لتوافر مزايا خاصة لتلك الهواتف عن اي هواتف اخري و دعم للOffice و مع توفير سعة تخزينبة اضافة علي OneDrive بحجم 15 جيجابيت.
* محتوي العلبة بخلاف الهاتف غطاء ظهر واحد  مم بالاضافة الي شاحن و كابل USB و كتلوجات الهاتف، و العرض من Mobile Shop بيجي معه سماعة COLOUD BOOM من غير العرض الهاتف مش بيجي معه سماعات تاني.





3-شكل نظام الهاتف

النظام بسيط جدا و خالي من اي تعقيدات في الوجهه هو مقسم فقط الي و جهة القفل و وجهة Live Tiles و وجهة التطبيقات بالاضافة الي ميزة مركز الاجراءات و تعدد المهام.

* شاشة القفل:- شاشة القفل بتمنحك معلومات حول الوقت و التاريخ بالاضافة عن اشعارات التقويم زي المواعيد المهمة و اعياد الميلاد  ممكن تغير التقويم بأي تطبيق تاني منح تلك الميزة ، بالاضافة الي اظهار عدد الاشعارات لخمس تطبيقات  اللي بتحددهم حسب ما انت عايز، و بيظهر في الاعلي بيانات زي حالة البطارية و الشبكة و اذا كنت مشغل WiFi  او موجود اشعارات لتطبيقات اخري و بتقدر تتحكم في الموسيقي او الراديو  لو انت مشغله من خلالها، و طبعا تقدر تغير الخلفية اللي انت عايزها و ممكن كمان تستخدم خلفيات Bing عشان تتغير الخلفية كل يوم و ممكن تختار ان تطبيق تاني يكون خلفية لشاشة القفل زي برنامج الطقس او Facebook او ZEDGE اوغيرها و في تطبيقات اخري متخصصة في شاشة القفل ايضا و تقدر تفتح شاشة القفل بالسحب من الاسفل الي الاعلي.



* بعد فتح شاشة القفل بيظهر لك وجهة Live Tiles و دي الوجهه المشهور بها نظام Windows Phone الميزة في الوجهه دي انها بتسمح لكي بتحديد كم البيانات اللي انت عيزها تظهر حسب احتياجك من كل تطبيق، وفي 3 مقاييس للبلاط تقدر تحددها حسب كمية المعلومات اللي عايز تعرفها من كل تطبيق (مثلا ممكن تكون عايز تعرف عدد الاشعارات اللي بتيجي لك علي الفيس بوك لذلك هتستخدم اصغر مقاس بس بينما تحب انك تحصل علي معلومات أكتر مع تطبيق زي الاخبار فممكن تستخدم المقياس الكبير و عايز تعرف معلومات سريعة عن الطقس فتستخدم المقياس المتوسط) و تقدر تحرر وجهة LiveTiles من خلال الضغط فترة طويله علي اي بلاط لتحرر الوجهة و تقدر تغير حجم اي بلاطه علي الوجهه او تخفيها من الوجهه او تغير ترتيبها زي ما انت عايز، و تقدر تغير لون او تخصص خلفيات البلاط فقط من خلال الدخول في الاعدادات و اختيار شاشة البدء+لون الخلفية، الوجهه دي بتتحرك بشكل طولي كل ما تضيف تطبيقات اكتر و لو عايز تضيف تطبيق للوجهه تقدر تدخل علي قائمة التطبيقات و تضغط فترة طويلة علي التطبيق بيظهر لك عدد من الاختيارات اختار (إضافة الي شاشة البدء) ليتم اضافة التطبيق في اخر الوجهه، ولو عايز تنتقل الي وجهة التطبيقات كل اللي عليك انك تسحب من اليسار الي اليمين لو بستخدم اللغة العربية و العكس لو بتستخدم اللغة الانجليزية.


* بدخول علي قائمة التطبيقات هتظهر لك التطبيقات بشكل طولي و بترتيب الابجدي لاسماء التطبيقات، و هيظهر لك الاحرف للوصول السريع للتطبيقات (مثلا انا عايز انتقل سريعا الي تطبيق زي WhatApp و انا في اول القائمة اضغط علي حرف( أ )هيظهر لك قائمة الحروف الكاملة بلون الوجهه  او اللون الرمادي و اللون الرمادي ده يعني انه لا يوجد تطبيقات اول اسمها يحمل هذا الحرف اما الحروف الملونه دي بتكون موجود لها تطبيق بإسمة فتختار حرف W للوصول الي قائمة التطبيقات اللي بحرف W و إلا منهاWhatsApp) ملاحظهة: تلك الميزة لا تظهر إلا اذا كانت قائمة التطبيقات كبيرة ، و في أعلي يمين قائمة التطبيقات علامة عدسة وحولها دائرة ده اختصار البحث عن التطبيقات و عند الضغط علية يمكن البحث عن التطبيق اللي انت عايزة بأي جزء من اسمة سواء كان في قائمة تطبيقات الهاتف او في المتجر، اخيرا في قائمة التطبيقات عند الضغط علي اي تطبيق لفترة طويلة بيفتح نافذة فيها 4 خيارات و هو (اضافة الي شاشة البدء) لاضافة التطبيق الي وجهة LiveTiles و (تقييم و مراجعة) لتقييم التطبيق التي يتم تنزيلها من المتجر (مشاركة) لمشاركة التطبيق مع اصدقائك علي Facebook او Outlook او غيرها (إزالة التثبيت) لحذف التطبيق من قائمة التطبيقاتملاحظة: الاختيارات بتتغير حسب وضع التطبيق اذا كان من تطبيقات الجهاز الاساسية او تطبيق تم تنزيلة من المتجر.


مركز الاجراءات و دة بيتم تنشيطه فقط بالسحب من اقصي اعلي الشاشة الي الاسفل و بظهر تفاصيل اكتر حول البطاريه كام في المئه اسفل البطارية و تفاصيل اليوم الشهر اسفل الساعة و اسم الشبكة و نوع الشبكة المرتبط بها (3G-2G-4G) اسفل شعار الشبكة، و بعدها بيظهر الاختصارات اللي انت بتحددهم حسب رغبتك و بتخترهم و ترتبهم حسب رغبتك و بتكون 5 اختصارات في هواتف اللي بشاشة 6 بوصة و 4 اختصارات في الهواتف الاقل من هذا الحجم من بين الاختيارات دي (Bluetooth-VPN-WiFi-السطوع-العرض علي جهاز خارجي-الموقع-تأمين الشاشة-كاميرا-مشاركة الانترنت-وضع الطياران) بعدها بيظهر اختيارين خاصين بالاعدادات و مسح الاشعارات كلها دفعه  واحدة، بعد ذلك بيظهر لك قائمة الاشعارات بالتطبيقات الممنوح لها الوصول الي مركز الاجراءات و تقدر تفتح الاشعار من خلال الضغط علية و تقدر تمسح الاشعارات الظاهرة من كل تطبيق من خلال السحب من اليمين الي اليسار، مركز الاجراءات تقدر توصل له في اي مكان في الجهاز حتي لو من شاشة القفل و تقدر تتحكم في اعداداته و تخصيصة و تطبيقات المسموح لها الوصول و نغمتها و غيرها من خلال الاعدادات ثم الاشعارات+الاجراءات.


* اخيرا بالنسبة لوجهه النظام الاساسية في تعدد المهام و دة اللي هيساعدك في التنقل بين التطبيقات بسهولة و كمان باغلاق التطبيقات اللي انت تركتها مفتوحه، و من أجل الوصول لقائمة تعدد المهام كل اللي عليك تضغط علي زرار الرجوع فترة طويلة و دة هيفتح تعدد المهام، و لإغلاق التطبيقات اسحب من اعلي لاسفل.


4 أهم تطبيقات النظام 
في الجزء دة هتكلم عن اهم تطبيقات الخاصه بالنظام نفسة و تطبيقات اساسية.

*تطبيق استشعار البيانات و دة هيساعدك كتير جدا في التحكم بشكل أكبر في بيانات الشبكة او الانتنرنت عن طريق الشبكة (3G-4G-2G)، و تقدر من خلال هذا التطبيق انك تحدد حجم البيانات اللي ممكن تستخدمها و في كام يوم و من خلال التطبيق، و هتعرف حجم البيانات اللي انت استخدمتها و كل تطبيق استهلك قد اية من بيانات الشبكة و يعطيك تنبية عند اقتراب انتهاء الباقة و يتوقف عند الانتهاء من الباقة، و يمكن ضبط حجم الباقة بالميجا او الجيجا و مدة الباقة شهريا او غير محدد او دفع مسبق.


استشعار سعة التخزين دة هيساعدك انك تتحكم في ذاكرة هاتفك من حيث التخزين و نقل البيانات من ذاكرة الهاتف او بطاقة الذاكرة سواء كانت (صور او مقاطع فيديو او تثبيت تطبيقات او تنزيلات)، و كما من خلال التطبيق دة هتقدر يعطيك بيان تفصيلي عن ما هو موجود علي ذاكرة الهاتف او بطاقة الذاكرة من(صور وموسيقي و تطبيقات و بريد الكتروني و مقاطع فيديو و غيرها)، و تقدر تنقل بسهولة التطبيقات اللي انت منزلها من المتجر كلها دفعه واحدة من ذاكرة الهاتف الي بطاقة الذاكرة و العكس و مسحها دفعه واحدة او تحدد مجموعة من التطبيقات و دة من اهم مميزات النظام.


تطبيق الملفات دة مش بيكون اساسي في النظام لكن ممكن تنزله من المتجر بسهولة و حجم 1 ميجا، و تقدر من خلال التطبيق التحكم بشكل أكبر في ترتيب الملفات علي موبايلك سواء علي ذاكرة الهاتف او بطاقة الذاكرة الخارجية SD سواء بنقل او نسخ او حذف او مشاركتها و غيرها، التطبيق شكلة مناسب جدا للنظام و سريع و هو من انتاج Microsoft نفس الشركة المطورة لنظام WindowsPhone.



*تطبيق التقويم و اللي بيساعد علي ادارة مهامك بكل ذكاء و بيقدر يتزامن مع خدمات Outlook و Facebook و غيرها لترتيب مواعيدك، و ممكن تغير شكل العرض (يوم - اسبوع - شهر - سنه) و تقدر تتحكم من إعدادات التطبيق في الوان المواعيد للتمييز بسهولة بين مصدر كل ميعاد، و من خلال استخدام موقعك بيقدر يعطيك معلومات عن الطقس و الاماكن المقترحة في التقويم.


*تطبيق منبهات تطبيق المنبه بسيط و يظهر لك في الوجهه مواعيدك و يمكن تنشيط و ايقاف او تشغيل تلك المواعيد عبر اختيار التنشيط و اذا تم الضغط علي الميعاد نفسة يتم تعديل الميعاد او الحذف الميعاد، و يوجد خيار لإضافة مواعيد جديدة في الاسفل و ضبط المنبه بيكون سهل و بشكل بسيط و يمكن تسمية هذا التنبيه او ضبط نغمة خاصة به و بالاضافة الي تكرار المنبه علي ايام الاسبوع التي تقوم بتحديدها و للاسف التطبيق غير متوافر فية مؤقت العد التنازلي او التصاعدي و الساعه العالمية.


* تطبيق الحاسبة دي حاسبة ممتازه جدا بشكل و اضح و كبير يعني تنفع للمحاسبين في المقام الاول و دة لو بتستخدم الهاتف بشكل رأسي، اما لو هتستخدم الالة الحاسبة العلمية كل اللي عليك انك تستخدم الهاتف بشكل افقي عشان يوفر لك الألة الحاسبة العلمية ، و للاسف الحاسبة بتفتقد لميزة المحول.


*السجل و عند الدخول عليه هيعرض لك كل المكالمات الصادرة و الواردة و التي لم يرد عليها بشكل منظم، و لما تضغط علي اي اسم هيجري المكالمة ايضا، عند الضعظ عليه فترة طويلة هيفتح لك قائمة متوافر فيها اختيارات (التفاصيل لمعرفة تفاصيل و قت الاتصال و مدة المكالمة و عدد المكالمات التي تم اجرائها مع هذا الرقم خلال تلك الفترة/ حذف لحذف البيان من السجل / حظر الرقم لمنع المعاكسات من اي رقم مزعج / اضافة الي الطلب السريع للوصول السريع للرقم المفضل دون البحث)، و يوجد بجانب كل رقم اختيار يعرض تفاصيل الرقم و اذا كنت تريد الاتصال به او ارسال رسالة له او الاتصال علي رقم اخر لهذا الاسم ايضا عرض سجل المكالمات التي تمت من هذا الرقم كاملة و يتم الحفظ علي Outlook و بيساعدك علي حفظ الارقام الغريبه، و عند وجودك علي وجهة السجل الرئيسي يمكن السحب يسار او يمين للوصول الي قائمة الطلب السريع، و يوجد في الاسفل اربعه اختيارات للوصل الي (البريد الصوتي - وجهة الاتصال - دفتر الاسماء - البحث في السجل)


تطبيق الاشخاص  او تطبيق الاسماء و دة بيتوافر فية دفتر عناوين الاسماء اللي عندك و كمان بيجمع فية اسماء الاصدقاء علي Facebook و Skype و Twitter و غيرها، و بيكون مقسم لثلاثة و اقسام قسم الاسماء و قسم المجموعات و قسم خاص بأحداث اصدقائك علي شبكات التواصل الاجتماعي.


*متصفح IE11 و دة هيقدم لك تجربة ممتازة لتصفح الانترنت بحرية كبيرة و سرعة افضل، و يمكن التصفح و فتح عدد من الصفح في نفس الوقت و كمان في وضع للقراءة و وضع التصفح الخفي لحذف كل العناوين من سجل بعد اغلاق الصفحة، ايضا ممكن مزامنة صفحات التي تستخدمها من كمبيوتر المكتب الي الهاتف و العكس اذا كنت تستخدم IE11 علي Windows 8.1.


*تطبيق صور و دة هيعرض كل الصور علي موبايلك و كمان الفيديو اللي تم تصويرة و بشكل واضح و ممتاز وحسب التاريخ  و ممكن تعرض كل الصور حسب التاريخ او حسب تقسيمك في الملفات و صورك علي تطبيقات اخري زي Facebook و Flickr و OneDrive او يمكن عرض الصور الفضلة لك، و ممكن من خلاله تعديل الصور سواء ببرنامج النظام او اي تطبيق اخر لانه بيسمح لك بالوصول السريع لكل تطبيقات الصور، و بالاضافة الي قدرتة الممتازة علي مزامنة الصور و الفيديو علي حساب OneDrive الخاص بك لعرضها علي اي جهاز اخر ليه نفس الحساب او من خلال التصفح.


* تطبيق الكاميرا و دة التطبيق الرئيسي من MicroSoft و دة بيمنحك تخصيص اكبر لانه بيعطيك حرية في اضافة 5 اعدادت للوصول السريع علي الجانب الايسر، في 3 اختصارات علي الجانب الايمن للتصوير العادي و الفيديو و لوضع الاندفاع .و وضع الاندفاع دة وضع يمكنك من إلتقاط عدد من الصور بشكل سريع و مستمر طالما تضغط علي زرار الكامير، و في قائمة الاعدادات اللي بتفتح لك قائمة إعدادات الكاميرا للتعديل علي شكل عرض التصوير و جودة الفيديو و غيرها.


* تطبيق Office التطبيق هيساعدك علي عرض ملفات Word و Excel و Power Point و PDF سواء علي الهاتف او بطاقة الذاكرة او علي OneDrive و يمكن الاستفادة ايضا من خدمات Office 365، و هو تطبيق ممتاز جدا و عملي جدا للشغل.


*تطبيق المراسله او الرسائل و دة بيعرض لك رسائلك بشكل بسيط و واضح جدا و سريع و بيضمن الحفاظ علي محادثات مع كل صديق بشكل مستقل.


*تطبيق خرائط HERE هو التطبيق الافضل للخرائط وهو بيعتمد علي قاعدة خرائط HERE من Nokia الاكثر دقة و الاكثر تفصيلا و تغطية و بيمنحك اشكال مختلفة لعرض الخرائط، اضافة انة بيعرفك الاماكن اللي حواليك بدقة بفضل ميزة City Lens المميزة جدا لعرض الاماكن القريبة من خلال الكاميرا و يمكن استخدام الخرائط دون الحاجة الي شبكة، وبفضل ميزة السير خطوة بخطوة هتقدر توصل للمكان اللي انت عايزة حتي لو تم قطع GPS فترة و يمكن الملاحة من خلال السير او القيادة من خلال تطبيق +HERE Drive او من خلال وسائل النقل.


*تطبيق البريد الالكتروني التطبيق الخاص بالنظام بوجهه بسيطه جدا و واضحة لكن بتوفر لك فتح اكثر من حساب في نفس الوقت اضافة ايضا لفرز الايملات بأشكال مختلفة و ميزة البحث، و يمكن اضافة اكثر من حساب من خلال الاعدادات.


*تطبيق Xbox Music  التطبيق بيتقدم بشكل منفصل عن النظام و ذلك لتوفير تحديثات مستمرة له لكن هو تطبيق المشغل الرئيسي للنظام، و عند فتح التطبيق بيظهر لك وجهة تشغيل الاغاني و عند السحب هيظهر لك المسارات التي تم تشغيلها مؤخرا و بعد ذلك تقسيم المسارات حسب الفنانين او الالبومات و غيرها، بالاضافة الي دعم خدمة Xbox Musicملاحظة الخدمة متوافر في بعض الدول و ليس كل الدول .


*تطبيق Xbox Videos ايضا هو تطبيق منفضل عن النظام للحصول علي تحديثات بشكل أسرع، و يظهر فية ملفات الفيديو اللي بيتم حفظها في ملف Video علي ذاكرة الهاتف او بطاقة الذاكرة لكن ما يتم تصويره يتم عرضة في معرض الصور، التطبيق ايضا بيوفر خدمة Xbox Videos غير متوافر في جميع الدول  ، تستطيع من خلال الاعدادات تكرار الفيديو المعروض او التحكم في بعض اساليب العرض مثل عرض الترجمة و يجب وضع ملف الفيديو الترجمة في ملف واحد داخل ملف Video، بيدعم عرض ملفات XviD, DivX, MOV , MP4 اضافة الي دعم تشغيل حتي جودة FullHD.


*تطبيق الراديو هو بسيط جدا و بواجهة مباشرة وبيدعم RDS و يمكن تشغيل الصوت من مكبر الصوت الخاص بالهاتف لكن تظل في حاجة الي سماعات الرأس كهوائي.


*تطبيق Xbox Games دة بيكون ركن متوافر علية كل الالعاب اللي علي موبيلك و بيقترح عليك الالعاب جديدة اضافة الي دعم لخدمة Xbox Games زي مشاركة انجازاتك في الالعاب الداعمه للXbox و غيرها الخدمة غير متوافر لكل الدول .


*تطبيق OneNote دة تطبيق الملاحظات الرسمي و الخاص بالنظام و بيتزامن مع خدمة OneDrive للحفاظ علي ملاحظاتك و كمان لعرضها علي اي جهاز اخر بتستخدمه و متوافر علية خدمات MicroSoft، و تقدر تسجل ملاحظاتك مع اضافة  ملاحظات صوتية و صور و تقدر تعدل علي اسلوب و شكل ادخال النص و تنسيق.


*متجر التطبيقات دة المتجر المخصص لنظام Windows Phone متوافر علية حسب اخر تعداد في اخر شهر 8/2014 اكثر من 320 الف تطبيق و لعبة للهواتف فقط، و مقسم بشكل ممتاز و واضح لسرعة الحصول علي التطبيق اللي انت محتاجة زي تطبيقات اللياقة و الميديا و الشبكات الاجتماعية، ايضا بيقترح عليك كل يوم تطبيقات الالعاب جديدة و كمان في قسم للعروض الجديدة للتطبيقات و تقدر تقيم التطبيق و تقول رائيك و المطور يتواصل معك.


5-أهم خيارات في قائمة الاعدادات

*مكان العمل توجد بعض الشركات او المؤسسات اللي بتوفر بعض التطبيقات الخاص بها لتساعد علي قيام بأعمال الشركة من خلال هذا الخيار في قائمة الاعدادات تقدر انك تتواصل مع تلك التطبيقات فور وصولك للعمل، كا ما تحتاج إليه هو تسجيل الايميل الخاص بالعمل فقط.




*ركن الأطفال و الخيار ده مهم جدا خاصة لمن لديه في منزله اطفال فتقدر من خلال تلك الميزة انك تحدد بعض (التطبيقات و المسارات و الفيديوهات و الالعاب ) و تعطي الهاتف لطفلك بأمان و تضمن انه ما يقدرش انه يمسح او يعدل او يرسل اي بيانات علي هاتفك.


* اعثر علي هاتفي و تلك الميزة تمنحك خيارين الاول هو ارسال الاشعارات للتطبيقات و الالعاب اللي انت عايز تنزلها و تم تحديدها مع موقع www.windowsphone.com ليتم ارسالها اليك و تثبيت بعد ذلك.
أما الثاني فبيوفر إليك خيار تتابع الهاتف و تحديد موقعه و ذلك اذا تم سرقة الهاتف منك و تقدر تحدد موقعه من خلال الدخول علي موقع www.windowsphone.com و تقوم بإيقاف مؤشر التحديد علي اسمك و تختار من القائمة اعثر علي هاتفي ليحدد موقعك، كمان تقدر ترسل رساله الي الهاتف لكي يتم قفل الهاتف اذا تم اخيار قفل من الموقع، يمكن ارسال رساله لمسح كل بيانات التي علي الهاتف و بطاقة الذاكرة  اذا تم اختيار مسح من الموقع، ايضا يمكن من خلال اعثر علي الهاتف انك ترن علي هاتفك لو ضايع منك في البيت كل اللي عليك انك تضغط علي خيار (رنين) ليصدر الهاتف صوتا مرتفع و لان يتوقف اللي اذا تم فتح القفل.


* وضع القيادة تلك الوضعية تمكنك عند الاتصال عن طريق Biuetooth باكسسوارات السيارة انك توقف اي اشعارات بخلاف اشعارات المكالمات و الرسائل و يمكن ايضا ايقاف تلك الاشعارات و يمكن ايضا الرد علي المكالمات و الرسائل برسائل انك تقود الان و سيتم الاتصال في وقت اخر.


* مزامنة اعداداتي و تقدر من خلالها انك تعمل مزامنة بين حساب علي كمبيوتر الشخصي او حاسب المكتبي او التابلت طالما بنظام Windows 8.1 او Windows 8.1 RT، و تقدر من خلالها تزامن لون الخلفية / اعدادات التطبيقات / Internet Explorer / كلمات المرور.


* مرشح المكالمات+الرسائل النصية القصيرة تلك الاضافة يساعدك علي ايقاف اي مكالمات او رسائل من اي ارقام مزعجه او اي ارقام معاكسات، و تقدر تضيف رقم الي قائمة الحظر من خلال السجل و الضغط علي الرقم لفترة طويلة ثم اختيار حظر الرقم و يمكن من خلال البرنامج نفسه، و يمكن حظر المكالمات او الرسائل و الاثنين معا و اضافة Tiles علي الوجهه لتنبيه لتلك الاشعارات المزعجة علي حدا.


* الشبكة+ تقدر تتحكم من خلالها في تحويل المكالمات ايضا في تنشيط او ايقاف الانتظار و دعم نظام الحروف الكامل او المخفف، بالاضافة الي اظهار عداد المكالمات الخاص بالهاتف Lumia.



مميزات و عيوب الهاتف.
برجاء العلم ان تقيم المميزات و العيوب يكون في الفئة السعرية الخاص بها الهاتف

*مميزات هاتف Nokia Lumia 630
- شاشة كبيرة بحجم 4.5 بوصه.
- دعم تقنية Nokia CBD اللي بتخالي الشاشة و اضحة تحت الشمس و دة فعلا أكثر موبايل بس ده و شاشة بتكون واضحه تحت الشمس.
- اغطية قابلة للتبديل.
- خامات الجهاز اكثر من ممتازة لان الشاشة مغطة بأرقي انواع الزجاج Gorilla Glass 3
توافر وحدة معالج من نوع Snapdragon 400 رباعي النواة 1.2 جيجاهرتز و هو الهاتف الوحيد اللي بسعر دة و بقدرة المعالج دي.
- دعم حساس للحركة و دي بتكون مفيدة جدا للرياضيين.
- بطارية الجهاز ممتازة جدا و هتفضل معك فترة اطول من اي هاتف اخر بنفس السعر.
- ذاكرة داخلية 8 جيجا.
- تصوير الهاتف ممتاز جدا العادي و الفيديو هو الافضل في هذا سعر.
- متوافر بعدد اكبر من الالوان.
- توافر ميزة WiFi HotSpot.



* عيوب هاتف Nokia Lumia 630
- عدم توافر حساس للاضائه.
- عدم توافر البوصلة.
- عدم توافر فلاش و دة بيخلي التصوير في الاضائة المنخفضة مش كويس.
- عدم توافر كاميرا امامية.


الأربعاء، 8 أكتوبر 2014

العملاق في فئته هاتف Nokia XL


بسم الله الرحمن الرحيم

السلام عليكم و رحمة الله





العرض دة هيكون عن أكبر موبايل بشاشة 5 بوصة ممكن تلاقية في سوق و بسعر بيتراوح من 1125 الي 1250 جنية بالضمان و مواصفات تعد من افضل المواصفات اللي ممكن تلاقيها في موبايل بالسعر دة ايضا  دة Nokia XL العملاق من Nokia.
تصميم الهاتف مستوحى من هواتف Nokia Asha و بنظام Android 4.1.2 لكن الوجهه خاصة من Nokia و هي تشبه لحد كبير جدا نظام WindowsPhone و ايضا مع ميزة Fastlane اللي موجودة و بتتميز بها هواتف Nokia Asha.







1- شكل و حجم و خامات الهاتف

حجم الهاتف كبير لانة بشاشة هي الاكبر في الفئة الخاصة به و هو اسمك من اي هاتف تاني بسبب تبديلة للاغطية الخارجية، شكل الهاتف مستطيل ومتوافر بست ألوان هي (أحمر-أخضر-أصفر-أزرق-أسود-أبيض)، و من الجنب اليمين للجهاز فيه ازرار التحكم بالصوت من الجانب الشمال مافيش حاجة و من اسفل فية مكان كابل USB و من الاعلي مخرج السماعات 3.5 ملل من الخلف الكاميرا و سماعة الجرس من الامام الشاشة زرار لمس للتحكم بالنظام و شعار Nokia.
بنسبة لخامات الجهاز هو من الوجه زجاج ممتازة مش هيبان فيها تجريح بسهولة، اما عن ظهر و حواف الجهاز مغطاه بغظاء قابل للتبديل من البلاستك المطفي يعني برضوا مش هيظهر فية التجريح بسهولة ممكن تضعة علي الاسطح الخشنة من غير قلق.



2- محتوي العلبة و مواصفات الجهاز الداخليةالجهاز بيجي معه بخلاف العلبة سماعات و شاحن و كاتلوجات الجهاز و البطارية و غطاء و احد للجهاز.
اما عن مواصفات الجهاز هي شاشة بحجم 5 بوصة من نوع IPS و بدقة 480X800 و دي دقة ممتازة للفئة دي لكن مش كويسه قوي بنسبة لحجم الشاشة العملاقة لكن الشاشة بتكون واضحة تحت الشمس، كاميرا 5 ميجا بكسل  بفلاش LED و ادائة كويس في التصوير و بتصور فيديو بدقة 480X800 اما الكاميرا الامامية بدقة 2 ميجابكسل، معالج الجهاز 1 جيجا ثنائي النواة  و رامات الجهاز 768 ميجا و معالج رسوم Adreno 203، الجهاز فية WiFi و GPS و BluetoothV3.0 و 3G و Dual-Sim، الجهاز فية ذاكرة داخلية 4 جيجا مستهلك منها جزء للنظام و فية مكان لميموري حتي حجم 32 جيجا، بطارية الجهاز 2000 ملي أمبير بتكفي لاستخدام يوم في الاستخدام العالي مكالمات و دخول علي الانترنت و سماع الاغاني و تصوير بعض الصور اما الاستعمال المتوسط هيفضل معك اكتر.



3- هندخل علي الجزء الخاص بالسوفت وير نظام الجهاز هو اندرويد الاصدارة 4.1.2 و هو نسخة معادلة و ليس مثل الموجودة علي الهواتف الاخري و هي بوجهه Nokia X Software Platform1.2.3 و دي اللي موجودة و قت العرض دة .

-في البداية في شاشة مؤقتة للنظام اللي اسمها Nokia Glance بتظهر الساعة بشكل ظريف و كمان بيظهر لو في اي اشعارات و تنبيهات متوافرة في التطبيقات او رسائل و او مكالمات او تنبيهات في التقويم دون اظهار اي تفاصيل و ممكن توقف الشاشة دي من خلال الاعدادات و بتفضل شغاله لمدة دقيقة او 5 او 15 دقيقة .

- ممكن تنشط شاشة القفل من خلال نقرتين علي الشاشة هتظهر لك الاشعارات تفصيلة اكتر و كمان الوقت و التاريخ و اليوم و بنسبة للاشعارات عشان تمسحها كل اشعار لوحدة بتسحب الاشعار من اليمين الي اليسار و عشان تمسح كل الاشعارات اسحبها من اسفل الي الاعلي  و عشان تفتح الاشعار بتسحب من اليسار الي اليمين وعشان تفتح شاشة القفل و توصل الي التطبيقات بتسحب من حواف الشاشة يمين او يسار الي الجهه الاخري و ممكن كمان تتحكم في الاغاني من خلال شاشة القفل.


- قائمة الجهاز بتتحرك بالطول و هي مشابهه جدا للشكل الموجود علي هواتف Nokia Lumia ايقونات البرامج علي شكل مربعات و يمكن التحكم في المقاس اما كبير او الحجم العادي مش هتفرق غير في ايقونة واحده اللي هي الاستديو هتعرض لك الصور اللي في الاستديو و انت في القائمة، و تقدر من خلال ضغطه مطولة علي احد الايقونات التحكم في تريتيب القائمة و كمان نغير لون الايقونات(فقط للبرامج اللي من للمتجر و ليس برامج النظام) و تمسح البرامج و تغير حجم الايقونات و في كمان اختيارين في الاسفل هيسمحوا لك بإضافة حوافظ لترتيب البرامج و اضافة Widgets في قائمة الهاتف، و ممكن من خلال  سحب من اعلي الاسفل و انت في اول القائمة تظهر حقل البحث اللي بيبحث عن اي حاجة علي الهاتف سواء برنامج او اغنية او ملف ممكن تعمل بحث علي الانترنت او خرائط  .









-و في كمان ستارت الاتصال اللي بتتنشط بالسحب من حافة الشاشة من الأعلي الي الاسفل و بيظهر في البداية الشبكات و اختيار الشبكة الافتراضية للاتصال (دة في حالة اللي مش بتكون مخليه يسألك كل ما تتصل). و بعد كده اختصارين اخرين بيوصلك الاول لتعدد المهام و الثاني للاعدادات ، تقدر كمان تدخل علي الاعدادات فيها اربع اختصارات اساسة و هي تنشيط و ايقاف ( WiFi - بيانات الشبكة - Bluetooth - و الوضع الصامت) , في اسفل الاختصارات الاربعه في اختصارات بتوصلك لقائمة الاعدادات  و اعدادات (WiFi و Bluetooth و USB).






- و في اهم ميزة في النظام FastLane اللي هتعرف بكل المهام اللي قومة بها و فيها كل الاشعارات اللي و صلتك و كمان مواعيدك اللي جاية من خلال سحب من اعلي لاسفل و انت في اول القائمة، و من خلال الضغط المطول علي احد الاشعارات القائمة هتتحرر و تقدر تمسح اي أشعار او برنامج استخدمته قبل كدة، و كمان بيتوافر في الاسفل اختيارين اختيار بيمسح كل المهام و الاشعارات في FastLane و الاختيار التاني بيدخل علي الاعدادات الخاصة بFastLane اللي بتقدر منها تخصص برامج معين اللي توصل للFastLane او اشعارات البرامج اللي عايزها تظهر في FastLane.







-اخيرا تعدد المهام اللي هيساعدك علي عرض التطبيقات المفتوحة و امكانية اغلاق تلك التطبيقات بسهولة و التنقل بينها، للوصول إليها كل اللي عليك تسحب ستارة الاتصال و بعدين تختار تعدد المهام، و ممكن تغلق كل التطبيقات دفعة واحدة.










4- بعد كدة هنتكلم عن بعض تطبيقات النظام الاساسية اهم ميزة في كل تطبيقات النظام انها بسيطة و ملونة زي قائمة النظام.





و جهة الاتصال مباشرة و هتسمح لك بالوصول السريع و مقسمة ل3 اقسام(الاتصل-اخر المكالمات-اسماء الهاتف) و يمكن الانتقال من خلال السحب تقليب بين القوائم او من خلال  الضعط علي الوصول اللي انت عايزة، و بسحب من حافة الشاشة السفليه بتظهر الاختيارات و نفس الامر في كل تطبيقات النظام.














- الاسماء بتكون بوجهة بيضاء للعمل بشكل واضح جدا حتي مع الشمس زي وجهة الاتصال بالضبط، و قسمه لثلاثة اقسام (الجهات-المفضل-المجموعات) و ممكن التنقل من خلال الضغط او من خلال السحب، و في حقل في الاعلي للبحث عن جهة الاتصال ، و شريط تحريك في الجانب للوصول السريع.









- الرسائل علي الغرار العملي الخاص ببرامج الهاتف الاساسية لجعل الهاتف اداه عملية في اي وقت و تحت اي اضائة، مع شكل انيق لتقسيم المحادثات و سهل، طبعا مع توافر امكانية اضافة صور او مقاطع صوت و فيديو و اضافة ابتسامات في المحداثات.








- الاول في المتجر و هو خاص بNokia و هتلاقي فية كل التطبيقات اللي انت عايزها او الاساسيه و كمان في متاجر اخري ممكن تعتمد عليها بجوار متجر Nokia(انصح بتنزيل متجر Mobile1 ممتاز جدا) و التقسيمة فية جميلة جدا و الوصول ممتاز طبعا متجر GooglePlay مش موجود علي الهاتف.




-متصفح النظام سريع و خفيف و جدا و بيقدر يقوم بكل المهام الاساسة اللي بيقوم بها اي متصفح عادي لكن مش احترافي يعني مافيش فية مميزات عالية  لكن ممتاز جدا من حيث سرعة التصفح و الاداء، هو مسند علي متصفح Chrom و هو سريع و موفر في استهلاك البيانات .





- الاله الحاسبة تصميمها بسيط و عملية جدا و الازارر فيها كبيرة قوي تحس انها مساعدة اكتر للمحاسبين في الشغل و اخدة لون الاصفر بكل درجاته، و بالسحب من اليمين الي الشمال بتظهر لك اوامر الاله الحاسبة العلمية زي (sin-cos-tan).






- الاستديو لما بتفتحة بتظهر لك المجلدات في البداية و المجلدات بظهر حسب اسم الملف اللي في المدير الملفات، و تقتح المجلد بيعرض مجموع الصور و ممكن من خلاله تقوم بكل المهام العادية موجودة في نظام اندريد زي تحرير الصور او مشاركتها و غيرها .



- في كمان برنامج التقويم و بصراحة مبهج جدا زي برنامج الاله الحاسبة و المنبه و ليه تقسيمات كثير يومي او اسبوعي او شهري او غيرها و كل شهر في السنة له لون، و الاهم من الشكل الجميل انها عملية جدا في الاستخدام و بيتزامن من حسابك OutLook بشكل ممتاز جدا، اليوم بيتغر علي الايقونة اللي في القائمة الخارجية.





- المشغل الموسيقي برضوا بسيط جدا و مباشر في الوصول لما تفتحة بيعرض لك الاغاني بترتيب حسب الاسم و ممكن تغير شكل العرض ألبومات او المؤلف او القوائم، و في شريط في الاعلي بيعرض اللغنية اللي بتشتغل او اخر اغنية كنت بتسمعها و بضغط عليها بيدخلك علي وجهة التشغيل، و في عدادات صوت مختلفة و ممكن تضبط معدل الصوت زي ما انت عايز، علي فكرة صوت الهاتف عالي جدا و كويس .


- النظام مش موجود علية خرائط جوجل لكن مش هتكون محتاج لها ابدا خاصة لم تعيش تجربة HERE Maps و تجرب الدقة الكبيرة جدا في الخرائط دي، و كمان فيها ميزة الملاحة الصوتية مجانا و التحميل المسبق للخرائط فيه كل الخواص اللي موجودة في lumia، و تقدر كمان تحدد الملاحة من خلال قيادة السيارة او المواصلات او سيرا علي الاقدام.






-الراديو شكله جميل برضوا و بوجهه سريعة و مباشرة بيظهر لك في تحت خالص مكان المحطات اللي انت حفظتها علي الراديو و بتحركها يمين و شمال عشان تختار المحطة، فوقها علي طول قرص التوليف لضبط المحطات بشكل اسرع، و كمان تقدر تقلب بين المحطات و توقف الراديو لكن للاسف مش بيظهر اختيار في FastLane لتوقف الراديو زي المشغل الموسيقي.






- قائمة الضبط هي القائمة العاديه الموجودة علي اي هاتف اندرويد بالاصدارة دي (4.1.2)، بس طبعا فيها الاضافات الخاصة Nokia و اعدادات الوجهة و الشرائح الاتصال.



6-مميزات و عيوب هاتف Nokia XL

مميزات هاتف Nokia XL

شاشة كبيرة جدا تعد هي الاكبر في الفئة الخاصة بالهاتف و بالاضافة انها ممتازة في العرض.
- خامات الهاتف ممتازة جدا.
- الهاتف متوافر بعدد كبير من الالوان، و باغطية قابلة للتبديل.
- رمات 768 ميجا
- بطارية الجهاز ممتازة جدا.
- معالج الهاتف 1 جيجا ثنائي النواة من نوع Snapdragon S4 بمعمارية A5 يعني هيقدم لك افضل اداء في تلك الفئة و هيساعد علي دة معالج الرسوم Adreon 203.
- دعم كامل لخرائط HERE مع الملاحة المجانية.
- و جهة النظام السهلة جدا و خاصة ميزة FastLane اللي هتسمح لك بالوصول السريع لاي تطبيق من غير اي معاناه.
- الكاميرا الامامية بدقة 2 ميجا بكسل يعني افضل كاميرا امامية ممكن تلاقيها بهذا السعر.
- كاميرا 5 ميجا بفلاش LED مع ميزة الضبط التلقائي.

عيوب هاتف NokiaXL

- تصوير الفيديو ضعيف.
FastLane رغم انة متقدم كتير عن اللي موجود في هواتف Nokia Asha لكن مش موجود فية انك تعمل مشاركة علي Facebook و Twitter و الشبكات الاجتماعية الاخري او الردود و اللايك اللي وصليتلك علي البوست الخاص بيك او ميزة التحديث.
- محتاج تعتمد علي أكثر من متجر عشان تنزل برامج علي الهاتف بشكل اوسع ( انصح بستخدام متجر Mobile1 بجوار متجر Nokia )
- شاشة القفل مش ممكن توصل منها للكاميرا بشكل مباشر زي هواتف Nokia Asha.
- ستارة الاتصال للاسف مش بيظهر فيها الاشعارات اللي بتوصلك و مهام اللي بتقوم بها محدودة جدا و مش بتقدر توصل لها و انت فاتح الالعاب او مشغل فيديو مثلا .


7- تقييم الهاتف. هاتف جديد و رائع من Nokia فعلا بشاشة عملاقة و باداء مرضي جدا مع ضمان استمرار الهاتف بفضل بطارية 2000 ملي أمبير، كمان هتلاقي كل التطبيقات اللي انت عايزها و هيضمن لك تصفح ممتاز للإنترنت مع شاشة بحجم 5 بوصة، برضوا تصوير الهاتف ممتاز لكن الاجمل فكرة ان الكاميرا الامامية بتلك الجودة لضمان لتقاط صور سيلفي ممتازة و مكالمات فيديو جيدة، خامات الجهاز مش هتخليك محتاج لجرابات عشان تحمية، الهاتف فعلا رائع بنسبة لسعرة.