السلام عليكم و رحمة الله و بركاتة
اليوم حابب انكم تتعرفوا علي تجربتي مع Nokia Asha 503
1- في البداية عايز اعرفكم علي شكل الجهاز، المرة دي Nokia كان لها اسلوب مختلف بشكل قوي في التصميم، جعل التصميم ببساطة يذهل كل اللي يمسك الجهاز و يحس ان الجهاز قطة من الزجاج او الثلج، بفضل التصميم الشفاف الجديد و خلاف الجيل السابق
Nokia Asha 501 و الهاتف بيملك غظاء قابل للتبديل و له 6 الوان مختلفة زي الجيل اللي قبله (الاصفر-الاحمر-الازرق-الاخضر-الاسود-الابيض) و كلهم عليهم الطبقة الشفافة و نفس التصميم موجود في كل من Nokia Asha 502 و 500.
طبعا و جهة الجهاز من الزجاج المقاوم للخدش من نوع Gorilla، و الظهر الخلفي من البلاستيك الجيد لكن طبعا عشان لامع فممكن بتجرح معك لو وضعته علي سطح خشن او وقع منك هيكون مطلوب منك الحذر شويه.
الجهاز طبعا سهل جدا في مسكه و مش هيقع من ايدك لان حجمة صغير و ممكن تتحكم به بيد واحدة سواء للاتصال او الكتابه او حتي في بعض الالعاب و تصفح الانترنت.
و صدقني بسبب التصميم التحفة الخاص بNokia Asha 503 هتحب الجهاز جدا خاصة انة هيبهر اي حد هيفكرة يستخدمة و بالاخص فكرة تبديل الاغطية.
الجهاز بيجي معه في العلبة، شاحن و سماعة دة غير الكتلوجات و بطارية بقدرة 1200 ملي أمبير و ميموري 4 جيجا هديةبطارية الجهاز ممتاز و هتصمد معك لو هتجعل اضائة الشاشة متوسطة يوم و نص و بتستخدم الانترنت من خلال WiFi لكن لو بتستخدم الانترنت من خلال شبكة 3G هتصمد معك تصفح انترنت اربع ساعات و نص
2- خاليني اعطيكم فكرة سريع عن الجهاز
الهاتف في البداية من الفئة الاقتصادية سعره في مصر من 700 الي 800 جنية بالضمان لمدة عام بشرحتين DualSIM ، و كاميرا 5 ميجابكسل مزودة بفلاش LED و تصوير فيديو بجود VGA، دعم لشبكة 3G و WiFi و BluetoothV3.0، شاشة بحجم 3 بوصة من نوع TFT بتكون واضحة تحت الشمس كويس بلمس حراري، طبعا الجهاز فية ثلاثة زراير ضعط في الجانب و هي زرار القفل بقوم بعمل فقل و فتح الجهاز، اضافة الي زرارين التحكم و الصوت و عمل زووم في التصوير، و في زرار في الوجهه لمس هو الخاص بتحكم بالنظام.
3- انتهينا بالجزء الخاص بالهرد ندخل بقي علي السوفتاول ما هتستخدم الجهاز هتلاقي انك ممكن تحصل علي معلومات بشكل مستمر علي وجهة الجهاز من غير ما تلمس الجهاز من خلال ميزة Nokia Glance اللي هتمنح معلومات عن الوقت و اذا كان في مكالمات او رسائل او اميل او اشعارات من تطبيقات النظام غير المنبة ايضا و ممكن تفعل الميزة دي و توقفها من خلال الضبط.
ملحوظة العرض دة تم اصدار بعد تحديث Nokia Asha 1.4
كمان تقدر من خلال نقرتين علي الجهاز انك تنشط الهاتف لفتح القفل و تقدر ايضا توقف الميزة دي من خلال الضبط، شاشة القفل هتعطيك معلومات تفصيليه اكتر عن الرسائل و الاشعارات من تطبيقات مختلفة زي Facebook Messenger و WtahsApp و المكالمات الغير مستلمه و الايميلات و لو بسمع موسيقي ممكن توقفها او تتحكم من غير ما تفتح القفل، دة غير معلومات الشبكة و البطارية و اذا كان الموبايل صامت او WiFi او Bluetooth مستخدم، تقدر تفتح القفل من خلال السحب من اليمين الي اليسار او العكس و تضغط من السحب يمين او يسار علي الاشعار اللي عايز تشوفة عشان تدخل او يفتح التطبيق علي طول، و تقدر تفتح الكاميرا بشكل مباشر من خلال السحب من الاسفل الي الاعلي.
بعد فتح القفل الجهاز هيظهر لك قائمة تطبيقات الجهاز الاساسية زي الاسماء و السجل و المتصفح و المشغل و غيرها و التطبيقات اللي بتنزلها من المتجر و الالعاب، و مقسمة لاربع اعمدة بطول قائمة الجهاز.
كمان تقدر تعمل مشاركات علي الفيس بوك و تويتر او اي شبكة اجتماعية تانية من خلال نفس القائمة، و كمان بسحب من اعلي لاسفل تقدر تعرف مواعيدك القادمة امتي و تعمل تحديث لاشعارتك و اللي وصلك خلال الفترة اللي فاتت.
بعد كدة في ستارة الاتصال اللي هتسمح لك بالقيام ببعض المهام السريعة زي تحويل الجهاز من الوضع العام الي الصامت و العكس، تشغيل WiFi او Bluetooth او نقل البيانات من خلال شبكة الهاتف، و كمان بتحصل علي اهم الاشعارت اللي وصلتك سواء من التطبيقات اللي مثبتة علي الجهاز او مكالمات و رسائل و ايميل.
في البداية هاتكلم عن تطبيق الكاميرا هو سهل جدا في الوصول و أيضا التشغيل في البداية ممكن الوصول للتطبيق شاشة القفل من خلال السحب من الاسفل الي الأعلى من خلال او جهة التطبيق
عند فتح التطبيق يمكن التقاط صورة بمجرد لمس الشاشة فقط في اي جزء و يمكن التحويل من التصوير العادي الي الفيديو من خلال السحب من اليمين الي اليسار او ممكن وانت بتصور تحول الي الصور الملتقطة من خلال السحب من اليسار الي اليمين و ممكن و انت بتصور ممكن تعمل زووم بسهولة من خلال وضع إصبعيك معا علي الشاشة و إبعادهما عن بعض كأنك بتكبر صورة؛ و الوصول الي اعدادات التصوير سهل جدا اضغط مع الاستمرار علي جزء علي الشاشة هتظهر لك الاعدادات اللي ممكن من خلالها تشغل المؤقت و تضبط توازن الالوان و تضع مؤثرات و تتحكم في صور الكاميرا و اخيرا في حجم الصورة.(تم اضافة ميزة التصوير الذاتي و تصوير البنوراما اضافة الي ثبات الفيديو في التحديث الجديد)
بعد كدة في الاستوديو اللي ممكن من خلاله تعرض الصور بشكل عام او تقسم الصور الي اربع مجموعات (مستلمة-المفضلة-الملتقطة-تم التعديل) و تقدر من خلال السحب من الاسفل الي الأعلى تظهر خيارات تحديد عدد من العناصر لمشاركتها او حذفها او اضافتها الي المفضل و في اختيارات ممكن تظهر لو هتضغط فترة علي احد الصور زي مشاركتها او حذف او اضافتها الي المفضل ممكن بعد فتح الصور تعدل علي الصورة بقصها او اضافة مؤثرات عليها و غيرها او ممكن تشاركها بلمسة واحدة فقط علي Facebook او Twitter او OneDrive و كمان تقدر تقص اي مقطع فيديو تم تصويره
بعد كدة هتكلم عن متصفح Nokia Xpress المذهل ايوة مذهل لأنه هيسمح لك بتصفح الانترنت بأقل تكلفة ممكن تتخيلها لانة بضغط الصور و البيانات الأخرى لتوفير الاستهلاك، و ممكن تضيف من خلاله احد الصفحات المهمة علي قائمة التطبيقات تقدر تفتح عدد اقصي 6 صفحات مع بعض، دة غير عمل مزامنة مع خدمة OneDirve (تم تفعيل خدمة Onedrive علي هواتف Nokia Asha).
في برضوا تطبيق مدير الملفات تقدر منة نقل او نسخ او مشاركة او حذف الملفات من خلاله.
ممكن من خلال تطبيق جميل جدا اسمة العدادات تعرف استهلاك الشهري من دقائق و رسائل مش كدة و بس و ممكن تتحكم في حجم البيانات الانترنت.
بعد كدة أفضل أن اتكلم عن مشغل الفيديو هو عادي لكن في ميزة مهمة جدا هو انك لو بتتفرج علي فيديو معين الموبايل بيفضل فاكر انت اخر جزء كنت واقف عنده فين ولو خرجت من الفيديو او حتي لو تم إغلاق الجهاز و فتحة
مشغل الموسيقي ايضا شكلة انيق جدا و جديد بعد تحديث الجديد و بسيط في تصميمة و بمجرد فتحه يعرض لك اخر 3 مسارات تم تشغليها و تحتها شكل العرض و صوت الجهاز جميل جدا،
وظاهر لك مع فتح لوح التشغيل اختصارات مشاركة الاغنية و تكرار الاغنية و التشغيل العشوائي و تضيف الاغنية الي القائمة المفضلة، و بضغط علي الصورة هتظهر لك معلومات حول الاغنية اللي بتسمعها تم ايضا اضافة ميزة البحث في المشغل و قائمة جانية للوصول السريع و خدمة Nokia Radio Max للبلاد المدعمة بتلك الخدمة.
و في كمان برنامج الايميل اللي ممكن من خلاله فتح عدد من الايميلات في وقت واحد و التحديث بشكل ألي و كمان دعم Microsoft Exchange ActiveSync
تطبيق الساعة مميز جدا جدا و بشكل انيق جدا و الساعة لونها بتتغير من توقيت اليوم و تقدر تضبط عدد من التنبيهات علي مدار اليوم.
5- وصلنا دلوقتي لعيوب الجهاز
-فلاش الكاميرا لا يعمل في التصوير الفيديو.
-تطبيقات مهمه مش موجودة للجهازعلي سبيل المثال (Viber-Skype)
-لا يوجد تحديد للنص في الرسائل او اي تطبيق اخر.
-في تطبيق زي Facebook برغم انة يقوم بمعظم المهام لكن للأسف شكلة عادي جدا و غير مناسب ابدا للوجهة الSwipe كل الاوامر في التطبيق كليك.
-برنامج HERE Maps للاسف بدائي جدا و مش دة المعتاد علية من خرائط Nokia و اختياراته محدودة.
- للاسف لا يوجد في تطبيق الساعة مؤقت عد تصاعدي او تنازلي او توقيتات دول اخري.
-للاسف برنامج التصوير مافيش فية التصوير المتسلسل.
6- مميزات التحديث الاخير للهاتف 1.4 Nokia Asha Softmare platform
-تم اضافة خدمة OneDrive للمتصفح Nokia Xpress
-تم تعديل شكل المشغل الموسيقي في الشكل و اضافة ميزة البحث و عند فتح قائمة الاغاني تحصل علي شريط جانبي للتحريك و البحث اسرع
-تم اضافة ميزة توفير الطاقة
-تم اضافة ميزة القيود العائلة علي المتصفح و علي تثبيت التطبيقات
-تم اضافة خيارات اكثر لطريقة عرض الاشعارات
-تم تحسين تسجيل الفيديو من خلال ميزة ثبات الفيديو
-تم تعديل وجهة محرر الصور لتكون اسهل مع اضافية ميزة قص مقاطع الفيديو
-اضافة ميزة القيود للحماية العائليه
-امكانية ضبط اي صورة خليفة للوجهة دون التقيود ب12 موضوع
-امكانية رفع الملفات علي خدمة OneDrive
-تحسينات في النظام العام و طريقة الوصول
7- اخيرا تقييمي الشخصي
انا حابب اقول رائي في الجهاز الهاتف بيقدم لك تجربة ممتازة و انيقة جدا هيسمح لك بالتواصل مع اصدقائك بسهولة من خلال الاتصال العادي او من خلال شبكات التواصل الاجتماعي (Facbook-Twitter-LINE-WhatsAPP-WeChat-Nimbuzze-Linkedin-Foursquar-Messenger) و غيرها كمان هتلاقي العاب مجانية ممتعة جدا هتقدر تسليك و كمان تقدر تتابع الاخبار و تتصفح الانترنت بأقل تكلفة ممكن تتخيلها، دة غير متابعة اخبار الطقس من The Weather Channel و اخبار الكورة من خلال تطبيق Goal، و غيرها كتير، كل دة بسعر مناسب جدا، و الاهم من دة كله هو التنظيم اللي بيقدمهولك Fastlane.